Darby The Family Scottie
Darby The
Family Scottie
Joyce Jacobs
Gordon Genealogy
Strathbogie's Piper
Darby, our Scottish Terrier
Born 8 October 2000
The Terrier From The
North
Losh' Bogie man haud
off your han';
Nor thrash me black and blue.
Frae fools and foes I seek nae praise,
But frien's should aye be true.
Nae silky-haired admirer
I
O'Bradford Toys, Strathbogie;
Sich thoughts, I'm sure cam' in your head,
While dribblin' o'er the cogie.
I ken the Terrier o'the
North,
I ken the towsy tyke-
Ye'll search frae Tweed to Sussex' shore,
But never find his like.
For pluck and pith
and jaws and teeth,
And hair like heather cowes,
Wi' body lang and low and strang,
At hame in cairns or knowes.
He'll face a foumart,
draw a brock,
Kill rats and whitteritts by the score,
He'll bang tod-Lowrie frae his hole,
Or slay him at his door.
He'll range for days
and ne'er be tired,
O'er mountain, moor, and fell;
Fair play, I'll back the brave wee chap
To fecht the de'il himsel'.
And yet beneath his
rugged coat
A heart beats warm and true.
He'll help to herd the sheep and kye,
And mind the lammies too.
Then see him at the
ingle side,
Wi' bairnies roond him laughin'.
Was ever dog sae pleased as he,
Sae fond o'fun and daffin'?
But gie's your hand,
Strathbogie man'
Guid faith' we maunna sever.
Then 'Here's to Scotia's best o'dogs,
Our towsy tyke for ever!'
___By Dr. Gordon Stables,
1879
